Ang standby credit line ay pautang na inilalaan ng bangko o financial institution sa isang negosyo para sa pangangailangan nito. Karaniwang “line” o inilalaang loan amount ang bangko at maaring mangutang ang negosyo ay mag-“draw” sa line na ito kunng nanaisin.

SEDPI, ang grupo ng social enterprises na pagmamay-ari ko, ay may standby credit line sa Bank of the Philippine Islands (BPI), Development Bank of the Philippines (DBP) and Landbank of the Philippines (LBP). Umaabot ang kabuuang credit line namin sa PhP210 million.

Benefits

Magandang magkaroon ng standby line of credit sa mga financial institutions dahil sa mga sumusunod:

• Makaktulong ito sa cash flow management
• Maaring may magamit agad sakaling may business opportunity
• Magagmit sa expansion ng operations
• Nagbibigay kredibilidad sa organisasyon

I-establish habang hindi pa kailangan

Magandang mag-establish ng standby credit line habang hindi pa ito kailangan. Talagang ginagamit sa negosyo ito dahil ang negosyo naman ay kumikita, so naayon pa rin sa cardinal rule of borrowing money.

Gamitin lamang kung kinakailangan

May temptasyon na gamitin ang credit line at maging dependent dito. Pero ang payo ko, kapag meron na, gamitin lamang kung kinakailangang. Siguraduhing ang kikitain ay mas mataas kaysa sa interest na babayaran.

(Read: Paano magkaroon ng credit line para sa negosyo)