Insurance para sa mahirap

Si Arlene Torres, 46, ay isang fruit vendor sa Bislig City, Surigao del Sur. Kamakailan ay na-ospital siya dahil nagkaroon siya ng mild pneumonia at skin disease.

“Wala po akong binayaran sa ospital dahil sa PhilHealth bilang miyembro ng ‘Pantawid (Pamilyang Pilipino Program)’,” sabi ni Arlene.

“Sa halagang PhP20 kada linggo sa microinsurnace (bayad sa premium), may PhP65,000 life insurance benefit at PhP150 hospitalization income benefit,” dagdag pa niya.

Microisurance ang tawag sa insurance para sa mahihirap. Nilalayon nitong magbigay ng proteksyon sa mga emergencies sa murang halaga. Ito ay isang programa ng gobyerno sa ilalim ng Insurance Commission.

Ang mga Mutual Benefit Associations (MBA) ay karaniwang nagbibigay ng microinsurance products and services. Ang mga miyembro ng MBA mismo ang nagmamay-ari ng MBA. Hindi nito layong kumita para magbigay tubos sa mga miyembro. Bagkus ay magbigay ng proteksyon sa panahon ng emergencies at kalamidad sa mga miyembro.

Ang mga commercial o malalaking insurance companies ay mayroon ding microinsurance. May profit objective of naglalayong kumita ang mga commercial insurance companies para sa kanilang mga stockholders, di tulad ng MBAs.

Ang mga Microfinance Institutions (MFI) sa Pilipinas ang karaniwang tagapaghatid ng microinsurance products sa Pilipinas kasabay ng pagbibigay nila ng loans and savings products. Ang mga MFIs ay maaring isang cooperatiba, rural bank o Non-Government Organization (NGO). Nakikipag-partner ang mga MFIs sa mga MBAs at mga commercial insurance companies bilang mga agents sa pagbebenta ng insurance sa mahihirap.

Habang nagpapagaling, masayang banggit ni Arlene, “Hindi totoo na pang-mayaman lang ang microinsurance. Magaan itong bayaran at malaki ang tulong.”

Maaring mamakuha ng impormasyon tungkol sa mga MFIs sa website ng Microfinance Council of the Philippines at Mindanao Microfinance Council.

vincerapisura.com


8 Comments

Leave a Reply

%d bloggers like this: