Naisip na ba ninyo kung paano makakabili ng sariling ebike para sa mas maginhawang pagbiyahe sa Taiwan? Kung oo, tama lang na maging praktikal at wais sa pagbili ng ebike upang hindi tayo magkaproblema. Bilang inyong financial guro, ibabahagi natin ang mga tips at panuntunan sa pagbili ng ebike.

Buy in cash

Unang-una, sa pagbili ng ebike, importante na magkaroon ng sapat na pera upang mabayaran ito in cash. Kung hindi mo kayang bayaran ng cash ang motorcycle, ipon-ipon muna tayo mga ate at kuya, matuto tayo sa delayed gratification.

Sa pagpili ng ebike, siguraduhin na hindi lalampas sa anim na buwan mong kinikita ang presyo nito. Kung mas mahal pa sa anim na buwan mong kita, hanapin ang balanse mula sa passive income. Gusto mo talaga ng brand new na ebike? Siguraduhing magagamit ito ng mahigit 20 taon.

Ito ay para masiguro na magiging sulit ang pagbili mo ng brand new na motorcycle at mabigyan ka ng long-term na benepisyo.

Bawal ang loan

Iwasan ang pag-utang sa pagbili ng ebike, dahil maaaring lumaki pa ang utang dahil sa interest. Tandaan na mataas ang interest sa motorcycle loan, kaya mas mainam na mag-ipon na lang. Bakit ka naman magbabayad ng mataas na interest sa isang bagay na mabilis ang depreciation di ba?

Sa pagbili ng brand new motorcycle, mas mainam na bayaran ito ng cash upang maiwasan ang dagdag na gastos sa interest. Iwasan ang pagbili ng brand new motorcycle gamit ang bank loan, lalo na ang in-house financing na mayroong mas mataas na interest rate.

Bumili ng second hand

Ang pagbili ng second-hand motorcycle ay mayroong maraming benepisyo, kabilang na ang pag-iwas sa malaking depreciation cost na nangyayari sa unang limang taon. Basta siguraduhing nasa maayos na kundisyon ang bibilhin.

Three to five years ang sweet spot sa pagbili ng second hand – hindi pa laspag, matagal pang mapapakinabangan. Sa ganitong edad ng motorsiklo, makakatipid na at masarap pa rin ang feeling gamitin.

Bukod dito, mabuti rin para sa kalikasan ang pagbili ng second-hand. Ito ay isang paraan ng pagiging eco-friendly at wais, dahil hindi na kailangang gumawa ng bagong motor na magdudulot ng karagdagang polusyon at paggamit ng resources. Sa halip, ang pagbili ng second hand ay nagpapahaba ng buhay ng ebike at nag-aambag sa sustainability ng ating planeta.

Be a wise eco-friendly commuter

Tandaan ang mga ito sa pagbili ng ebike para maging wais at praktikal na commuter sa Taiwan. Isipin ang long-term benefits at iwasan ang mga pagkakataong masasayang ang pera dahil sa maling desisyon.

Good luck sa pagbili ng ebike, mga KaSosyo at KaNegosyo!