Dahil sa napakaraming reklamo sa mga online lending apps at platforms, narito ang kanilang mga karaniwang unfair debt collection practices. Magsilbi sana itong babala sa mga nagbabalak kumuha ng loan sa mga online lending apps o platforms na ito.

Use of threat of use of violence

Hindi sapat na dahilan ang hindi pagbabayad ng utang upang ikaw ay saktan physically or emotionally. Ipinagbabawal ang paggamit ng hindi pagbabayad ng utang bilang dahilan upang sirain ang reputasyon ng isang tao. 

Use of obscenities, insults, or profane language

Madalas daw makarinig ng pambabastos at pagmumura ang mga hindi nakabayad ng loan on time mula sa mga agents ng online lending apps. Umaabot daw sa sinisigawan sila at iniinuslto pa.

Isa iting uri ng unfair debt collection practice at ipinagbabawal ng SEC.

Disclosure or publication of borrowers’ names

May mga Facebook page daw ang ibang online lending apps at inililista nila ang mga pangalan ng mga borrowers na hindi nakapagbayad sa kanila. Tinatag din ang mga Facebook friends ng borrower para malaman na hindi nagbabayad ng utang.

Violation po ito ng right to privacy kaya ipinagbabawal.

Communicating false information

Sa ibang instances, nagbibigay pa daw ng mali at malisyosong impormasyon ang agent ng online lending app sa mga kamag-abak, katrabaho at kaibigan ng borrower. Halimbawa pinapalabas na balasubas ang borrwer at ayaw talagang magbayad pero ang katotohanan ay under dispute pa ang loan sa kanila.

False representation

Sa kagustuhang mangulit at makakolekta mula sa mga borrowers, nagpapanggap ang mga agents ng online lending apps upang linlangin ang borrower. Ang pinakagrabe kaso kong nadinig ay tumawag ang agent sa trabaho ng borrower at nagpanggap may emergency na nangyari sa pamilya ng borrower.

Mali ang ganitong paraan ng pangongolekta.

Making contact at unreasonable/inconvenient times or hours

Ang tamang oras sa pakikipag-usap sa mga transaction ayon sa guidelines ng SEC ay mula alas sais nang umaga hanggang alas diyes ng gabi. Kapag labas sa mga oras na ito, maituturing nang unfair collection practice.

Pero kapag more than 15 days nang past due ang loan, maari nang tumawag ang lender pero dapat ay malumanay, may respeto at walang panlilinlang na magaganap. Maari ding mag-contact ang agent kung sa pinirmahang kontrata ay nagbigay ng pahintulot na kumontak anumang oras.

Contacting the persons in the borrower’s contact list

May mga online lending apps na nagmemessage sa mga katrabaho, employer, kaibigan at iba pa ng borrower na hindi nakakabayad. Ginagamit din nila ang social media para sa ipahiya ang mga ito sa publiko. 

Ang maari lamang i-contact ng mg agents tungkol sa loan bukod sa borrower ay ang co-borrower/s, co-maker/s at guarantors nito. 

Mag-ingat sa online lending

Bago pa dumating sa gamitan ka ng unfair debt collection practices, magbayad nang ayon sa oras at ayon sa kasunduan. O gawin ang mas madali, umiwas na lang sa utang para walang problema.

Basahin ang mga sumusunod para madagdagan ang kaalaman sa gamit ng loans:

• Tamang gamit ng utang
• Maling gamit ng utang
• Credit card 101
• Utang 101