Ang Philippine Equity and Savings Option (PESO) fund ay isang government savings program sa ilalim ng Social Security Syste, (SSS). Ito ay tax-free at garantisado ng Philippine government.

Bukas ang programa para sa lahat ng Filipino OFW man o hindi. Nagbibigay ng mas mataas na interest kumpara sa mga bangko at hindi kinakailangang hulugan kada buwan.

Eligibility

Para sa mga miyembro ng SSS na edad 55 pababa at nakapagbayad ng hindi bababa sa anim na buwang kontribusyon sa loob ng isang taon bago ang buwan ng enrollment. Kailangan ding nagbabayad ng pinakamataas na halaga ng kontribusyon sa ilalim ng SSS regular program at hindi pa tumatanggap ng anumang final claim sa SSS regular program.

Minimum investment

Ang minimum investment sa PESO Fund ay PhP1,000 kada hulog. Ang savings at earnings nito ay mapupunta sa tatlong accounts: retirement/total disability (60%), medical (25%), and general purpose (10%). Ang general purpose ay allocated para sa edukasyon, housing at kabuhayan o livelihood.

Kita

Ang kita ng PESO Fund noong 2015-2017 ay naglalaro sa 1.85% – 3.75% kada taon base sa treasury bills at treasury bonds ng gobyerno.

SSS PESO Fund withdrawal

 Pagkatapos ng limang taon, maaring ma-claim ang 35% ng naihulog sa PESO Fund kasama ng mga kinita nito. Ito ang bahagi ng medical at general purpose ng account.

Ang mas malaking bahagi o ang natitirang 65% ay makukuha pag dating ng 60 years old o kaya ay kapag nag-file ng retirement o total disability sa SSS. Kapag nag-withdraw bago ang limang taong retention period, magchacharge ang SSS ng penalty at service fees.