Mga KaSosyo at KaNegosyo, maraming saludo sa ating National Health Insurance Program (NHIP) at Universal Health Care (UHC) Act. Alam natin ang kahalagahan nito para sa bawat Pilipino, lalong-lalo na sa ating mga kasamahan sa marginalized sectors.

Sa tuwing may bagong hakbang tayo sa SEDPI, ang organisasyon itinatag ko na nagsusulong ng social investments, nanofinancing, at financial education para maibsan ang kahirapan, laging kasama kayo. May bago tayong balita, KaSosyo at KaNegosyo! Noong March 2023, nakipagtulungan tayo sa Philippine Health Insurance Corporation (PhilHealth), isang malaking hakbang para lalo pang palakasin ang ating KaTambayayong program.

Nakakaproud sabihin na hindi ito ang una nating collaboration sa mga government agencies. Nauna na ang Pag-IBIG Fund noong 2018 at Social Security System (SSS) noong 2019. Ito’y nagpapakita ng ating dedication na makapagbigay ng kumpletong social protection sa ating mga miyembro. Ginagawa natin ang partnership with government agencies para maibsan ang gap sa access sa social welfare services, lalo na para sa marginalized communities.

Sa nakalipas na anim na taon, ang KaTambayayong program natin ay nakapagdisburse na ng PhP19.1 million bilang benefits sa ating mga miyembro para sa mga pangangailangan gaya ng death, calamity, medical, fire at accident assistance. As of June 2023, naka-release na tayo ng Php 2.9 million in benefits para sa 1,199 miyembro. Sabi nga nila, hindi lang basta-basta ang na program ito. Ito’y commitment natin na maging accessible at dependable ang safety nets para sa mga nanoenterprises sa panahon ng crisis.

Sa partnership natin sa PhilHealth, lalo pang mapalalawak ang benefits na pwedeng makuha ng ating mga miyembro. Sa Group Enrollment Program under the NHIP, tutulungan natin ang ating mga enrollees sa registration, magko-conduct tayo ng mga educational campaigns tungkol sa PhilHealth policies at benefits, at aasikasuhin natin ang kanilang premium contributions. Sa ganitong paraan, siguradong covered ng health insurance ang ating mga miyembro.

At hindi pa tayo natatapos, KaSosyo at KaNegosyo! Sa hinaharap, balak pa natin magtulungan sa Department of Social Welfare and Development (DSWD) at Philippine Statistics Authority (PSA). Ang focus nito ay ang pagkuha ng mga civil identity documents para sa ating mga SEDPI members, para mas maging solid ang access nila sa mga government services.

Kaya naman, ang partnership ng SEDPI at PhilHealth ay hindi lang tungkol sa health insurance. Ito’y tungkol sa pagsusulong ng mga Filipino nanoenterprises, pagbabawas ng kahirapan, at pagpapalakas ng isang mas malusog na bansa. Ang collaboration na ito ay malaking hakbang para masigurong malusog at maayos ang kalagayan ng bawat Pilipino, patunay ng ating commitment sa sustainable development at sa ating goal na maibsan ang kahirapan.

Ako si Sir Vince, ang inyong financial guro, nagsasabing, ang pagyaman, napag-aaralan at napagtutulungan.