Mga KaSosyo at KaNegosyo, alam niyo ba ang tunay na susi sa pagyaman? Hindi ito magic, kundi ang simpleng gawain ng pag-iipon. Pero, paano nga ba ito sisimulan? Simple lang – simulan ngayon, hindi bukas, hindi sa isang linggo, kundi ngayon na!

Tandaan, ang pag-iipon ay parang pagpunta sa gym – dahan-dahan pero sigurado. Walang shortcut sa pagyaman. Isipin niyo, ang pinakamabilis na paraan ng pagyaman ay kung tayo po ay magdadahan-dahan.

Napakahalaga rin na magkaroon tayo ng malinaw na layunin sa ating pag-iipon. Ano ba ang iyong mga pangarap? Gusto mo bang mag-travel o magbakasyon? Yan ang pag-ipunan mo. Kapag may purpose ka, mas ganado kang mag-ipon.

Ngayon, usap tayo tungkol sa budgeting rules. Para sa mga nasa financial startup stage, sundin natin ang 5-10-85 budgeting rule. Ibig sabihin, maximum 5% ng income para sa insurance, minimum 10% para sa savings, at maximum 85% para sa expenses. Ito ay para sa mga pamilya na kumikita ng mas mababa sa ₱20,000 kada buwan.

Para naman sa mga financially secure, mayroon tayong 5-15-20-60 budgeting rule. Ito ay para sa mga pamilya na may monthly income na greater than ₱20,000. Dito, 5% maximum para sa insurance, 15% minimum para sa savings, 20% minimum para sa investments, at 60% maximum para sa expenses.

At para sa mga financially sustainable, nandiyan ang 5-35-60 rule. Dito, 5% pa rin para sa insurance, 35% para sa investments, at 60% para sa expenses. Ito ay para sa mga may emergency savings na katumbas ng siyam na buwan ng kanilang mga gastos.

Sa pag-iipon, mahalaga na mayroon tayong emergency savings. Kapag nakaipon ka na nito, pwede mo nang tutukan ang iyong mga expenses at investments.

Mga KaSosyo at KaNegosyo, ang pagyaman ay hindi isang sprint, kundi isang marathon. Dahan-dahan, pero tiyak ang paglago ng iyong yaman. Magsimula na tayong mag-ipon, magplano, at maging masinop para sa ating kinabukasan.

Ako si Sir Vince ang inyong financial guro, nagsasabing, ang pagyaman, napag-aaralan at napagtutulungan!