Exclusive para sa mga Overseas Filipino Workers (OFWs) ang SSS Flexi Fund. Ito ay isang provident fund na makakatulong sa kanilang mag-ipon ng pera at madagdagan ang kanilang retirement.

Fill up application form

Ang unang step ay i-fill up ang SSS Flexi Fund enrollment form at magbigay ng kopya ng government issued ID. I-submit ito sa mga SSS representative offices abroad. Kadalasan nasa mga konsulato at embahada natin ang kanilang opisina at mayroon ding mga partner remittance agents.

Puwede ring i-submit ang form sa Pilipinas kapag nagbabakasyon. Dalhin ito sa mga SSS branches available nationwide at ipakita ang Overseas Employment Certificate (OEC) o ang e-receipt na inissue ng Philippine Overseas Employment Agency (POEA) bilang patunay na kayo ay OFW.

Paano mag-remit ng contribution

Pareho lang ang procedures sa regular SSS contributions ang paghuhulog sa Flexi Fund. I-fillout at ibigay ang SSS RS – 5 form (contributions payment return). Huwag kakalimutang i-tick na kayo ay OFW bilang payor type.

Maaari kang magpasobra sa iyong regular SSS monthly contribution at any amount in excess of PhP200 ay automatic na mapupunta sa iyong Flexi Fund. Iisa lang ang maaring maging account sa Flexi Fund.

Hindi kinakailangang buwan-buwan maghulog sa sa Flexi Fund pero kung kaya sa budget na magpasobra sa regular contributions, mas lalaki ang makukuhang benefit. Puwede mo rin itong hulugan nang hiwalay sa regular SSS contribution.

Puwede kang magdagdag sa iyong Flexi Fund weekly, monthly, quarterly o kung anumang petsa naisin. Pero para hindi na maguluhan at malito, bayaran ito sabay ng SSS contribution para din tipid sa remittance.