KaSosyo at KaNegosyo!

Nakakita na ba kayo ng brand new na sasakyan tapos naisip nyo, “Uy, gusto ko nyan!”? Siguro marami sa inyo ang nag-dream magkaroon ng bago’t kumikintab na auto, ‘di ba? Eto nga’t nagshare ako ng konting tips at insights na maaaring magbago sa pananaw mo sa pagbili ng sasakyan.

Kasi eto ang totoo – kung gusto mo talaga ng sulit at tipid, mas mabuti pang bumili ng sasakyan na second hand, lalo na kapag 3 to 5 years old na. Ang tanong, bakit?

Dahil ang mga brand new na sasakyan, madali itong mag-depreciate. Meaning, mabilis bumaba ang value. Let’s say bumili ka ng PhP1 milyong sasakyan. Paglabas mo pa lang ng casa, bawas agad ng PhP 100,000 sa halaga! Sa ikalawang taon, bawas ulit ng PhP 150,000! Sa loob lang ng limang taon, 61% ng value nawala na. Grabe ‘no?

Eh pano kung niloan mo pa? Iba pa yung interest na babayaran mo sa bangko. Tapos, may mga extra expenses ka pa sa maintenance, gasolina, parking, at insurance. Oo, maganda at amoy bago ang brand new na sasakyan, pero yung “amoy” ba worth PhP600,000? Hmm, think about it.

Kaya ang payo ko sa inyo, KaSosyo at KaNegosyo, kung hindi mo kaya bayaran ng cash ang sasakyan, baka hindi mo pa talaga siya afford. Pero okay lang yan, kasi may mga second hand na sasakyan na maganda pa at reliable. Tip lang, hanapin yung may low mileage para sulit na sulit!

Hindi ito tungkol sa pagiging kuripot, pero sa pagiging wise spender. Hindi masamang mangarap, pero mas maganda kung ang mga pangarap mo ay based sa reality at sa kaya ng bulsa mo. Hindi mo kailangan magpapogi o magpayaman-yamanan. Ang importante ay yung decisions mo ay for the best interest of your future.

Ako si Sir Vince ang inyong financial guro, nagsasabing, pagyaman, napag-aaralan at napagtutulungan.