Ang emergency savings dapat katumbas ng 9 months to one year ng expenses mo. Saan maganda ilagay ang mga ito?

Halimbawang ang emergency fund na kailangan mo ay PhP180,000. Hatiin ito into three parts.

I suggest na ilagay mo ang first 60,000 either sa commercial bank ATM accounts or digital banks. Liquidity ang dahilan dito dahil dapat may madali tayong mabubunot.

Ang second na 60,000, ilagay sa Pag-IBIG MP2 dahil guaranteed ng gobyerno at tax-free! Ang panghuling 60,000 ilagay sa rural bank or cooperative time deposit dahil mataas ang interest at makakatulong sa local economic development.

Using our SEXY investment framework which stands for security, encashability, x-factor and yield. Ang evaluation natin for commercial bank ATM accounts ay high, high, low and low. Digital banks – moderate, high, low and high. MP2 – high, low, high and high. Rural bank time deposit – high, moderate, moderate and high. Coop time deposit – moderate, moderate, high and high.

If we assign high rating with 3 points, moderate with 2 and 1 with low, ito ang kakalabasan. Dikit ang labanan. Sa totoo lang, walang tulak-kabigin sa limang ito. Ang mahalaga ay makapagsimula para magkaroon ng matibay na pundasyon sa paghawak ng pera.

Ako si Sir Vince, ang inyong financial guro, nagsasabing, ang pagyaman, napag-aaralan at napagtutulungan!