Hello mga KaSosyo at KaNegosyo!

Kamakailan, nagkaroon ako ng fun-filled at uber-cute na araw kasama ang aking mga pamangkin na sina Thomas at Ethan. At syempre, hindi ko pinalampas ang chance na magturo ng konting Filipino 101!

Si Thomas, hindi pa bihasa sa Filipino. Sabi ko, “Thomas, alam mo ba kung paano sabihin ang one sa Filipino?” Siyempre, na-curious siya. Binigyan ko siya ng clue. “Isa.” With his cute voice, sumagot siya, “Isa.” Naks! Agad-agad, may natutunan na!

Tinanong ko siya kung ano yung pinapakita ko sa kanya. “Filipino flag,” sagot niya. Ang bilis, ‘no? Kaya ang tanong ko next, “How many can you see?” At syempre, sagot si Thomas na “Isa.” Galing ‘di ba?

Tumuloy-tuloy kami sa pagbilang. Hanggang sa natutunan niya na ang ‘two’ ay ‘dalawa’ at ‘three’ ay ‘tatlo.’ Pero ang highlight? Nung sinabi niya ang “Tiranosaurus Rex!” Haha! Aba, hindi lang pala siya marunong magbilang, may alam pa sa dinosaurs!

Sumunod, si Kuya Ethan naman. Ang galing-galing niya! Pagka-tanong ko kung ilang flags ang nakikita niya, sagot agad siya, “Anim.” At nung tinanong ko siya kung anong flag yun? “Philippine flag!” Galing, ‘di ba? Pero ang pinaka-cute, nung tinanong ko siya kung Filipino siya, sabi niya “Australian. I’m Filipino yes, half, half.” Ang half Australian niya galing sa kanyang daddy, at yung Filipino side, galing sa kanyang mommy. Ang sweet ‘di ba?

Hanggang sa natapos namin ang lesson namin hanggang sa ‘ten’ or ‘sampu’. Aba, para silang mga little teachers na nagtuturo sa akin!

Ang lesson dito, mga KaSosyo at KaNegosyo, hindi lang tayo dapat natututo, dapat tayo rin ay nagtuturo. At sa ganitong paraan, napapalaganap natin ang ating kultura at wika sa susunod na henerasyon.

Ako si Sir Vince ang inyong financial guro, nagsasabing, pagyaman, napag-aaralan at napagtutulungan.