Ngayong espesyal na araw, nais ko sanang magbigay-pugay sa isang hindi matatawarang haligi ng SEDPI, si Lysil, ang ating mahusay na Operations Manager.

Nakilala ko si Lysil sa isang hindi pangkaraniwang panahon. Noong mga panahong iyon, siya ay nagtatrabaho sa MILAMDEC, isang organisasyon na tinulungan ng SEDPI sa pamamagitan ng pondo para sa kanilang microfinance operations. Sama-sama naming hinangad na iligtas ang MILAMDEC pero tuluyan itong bumagsak at nagsara.

Nagsimula ang social microfinance operations ng SEDPI noong 2016. Sa kasamaang-palad, hindi pa namin kayang kunin si Lysil sa panahong iyon. Pero, nakita ko sa kanya ang determinasyon, ang tapang, at ang puso sa kanyang ginagawa. Pangako ko sa kanya, kukunin ko siya sa SEDPI.

Pagkalipas ng isang taon, natupad ko ang pangakong iyon. Ngayon, lampas doble na ang kanyang suweldo. Tinulungan ko rin siyang magkaroon ng van side business. Ito ay patunay lang kung gaano siya kahalaga sa SEDPI.

Napakahalaga ng teamwork namin. Pasensiya na lang Lyisl ha, kung minsan ay umiinit ang ulo ko – senyales lang ‘yun na close na kami.

Ngayong birthday niya, gusto ko siyang pasalamatan sa kanyang dedikasyon sa SEDPI. Sana’y matupad ang aming mga pangarap na dumami pa ang members ng SEDPI. Gusto naming makatulong sa pag-ahon sa kahirapan sa Mindanao, and who knows, baka sa susunod na sampung taon, sa buong Pilipinas na.

Dahil kay Lysil, mas napapadali ang aking trabaho sa SEDPI. Lysil, huwag mong pabayaan ang iyong sarili. Mahalin mo ang iyong pamilya, mga kaibigan, at mga katrabaho.

Maligayang kaarawan, Lysil! Salamat sa lahat. Sana’y marami pa tayong masimulan at magawa para sa ating kapwa.