Kung hindi nakapagbayad ng credit card sa tamang oras o naging delinquent na dito, talagang magiging mas agresibo ang bangko o ang collection agency sa paniningil. May mga reports na minsan umaabuso at lumalabag sa karapatang pantao ang mga ito.

Kaya naglabas ang ang Consumer Affairs Group ang Bangko Sentral ng Pilipinas (BSP) upang pagbawalan ang mga bangko at collection agencies ng karahasan, pangaabuso at paglabag sa human rights.

Narito ang guidelines na ipinagbabawal ang mga sumusunod

• Paggamit ng pananakot, violence o iba pang kriminal na pamamaraan upang saktan physically ang isang tao. Kasama dito ang paninirang puri, reputasyon o ari-arian ninuman
• Paggamit ng masasamang salita, insulto o pagmumura na maaring maging criminal act ayon sa batas
• Pagsisiwalat ng pangalan ng mga credit cardholders na hindi nakakapagbayad
• Pananakot na gumawa ng isang bagay na illegal
• Pakikipagusap o pananakot na kakausapin ang ibang tao tungkol sa credit information na hindi makatotohanan
• Anumang false representation o panlilinlang upang mangolekta o sumubok mangolekta ng utang, o kumuha ng impormasyon tungkol sa cardholder
• Pakikipag-usap sa hindi makatarungang oras (unreasonable o inconvenient). Ang oras na ito ay bago mag-ika anim nang umaga o pagkatapos ng ika-sampu nang gabi. Maaring pahintulutan ang pagtawag sa unholy hour kung 60 days past due na ang cardholder o nagbigay ang cardholder ng pahintulot na maari siyang tawagan sa mga oras na ito.

Kapag nakaranas ng alinman sa taas, maaring kumontak sa Financial Consumer Protection Department ng BSP. Narito ang kanilang contact details.

Financial Consumer Protection Department
Central Supervisory Support Subsector
Supervision and Examination Sector
Bangko Sentral ng Pilipinas
5th floor Multi-Storey Building
BSP Complex, Ermita, 1800 Manila

Telephone numbers:

Trunkline: (632) 524-7011, extension nos. 2584
Direct line: (632) 523-3631
Email address: consumeraffairs@bsp.gov.ph