Kamakailan ay pinirmahan ng ating pangulo ang batas na nagpapalawak sa powers and duties ng Social Security System (SSS) o ang Republic Act 11199 noong February 15, 2019. Maganda ang layunin ng pagrerepaso sa batas.

May isa lang akong pangamba.

Priority for the poor

Para sa akin ang prayoridad dapat ng gobyerno sa pagpapaabot ng serbisyo nito sa mga mahihirap o mga nasa laylayan ng lipunan. Malaya at madali dapat silang nakakakuha ng mga social welfare benefits mula sa gobyerno.

Kapag itinaas ng SSS ang minimum contribution mula PhP110 papuntang PhP330 kada buwan. Marami na namang mga nasa laylayan ang mahihirapang mag-contribute dito and in the process hindi sila maka-benefit sa serbisyo ng gobyerno.

Dehado na naman ang mga mahihirap.

Palawakin hindi lang pataasin

This is my opinion on the matter, sana ay palawakin ng SSS ang bandwidth ng schedule of contributions nito at hindi lang pataasin. Sa ganitong paraan mas dadami ang kayang mag-contribute sa SSS.

Panatilihin ang PhP110 minimum contribution per month habang itinataas ang contribution sa pagpapalawak ng acceptable monthly salary credit. Hihdi ako tumututol sa pagtaas ng contribution mula 11% ng monthly income hanggang 15% ng monthly income para mas magkarron ito ng pondo para sa retirement natin.

Ang akin lang, we should not marginalize the poor further.

Universal pension

Actually ang mas maganda dito ay kung magkaroon ng universal pension na magbibigay ng buwanang sustento sa mga retirees basta classified classified as indigents. Sa pamamagitan nito, hindi na kailangang magbigay ng kontribusyon ng mahihirap sa SSS dahil sigurado na ang kanilang pension pagtanda.

Reality on the ground

May microfinance operations kami sa Agusan del Sur at Surigao del Sur. Doon may microentrepreneur clients kami at isa sa mga serbisyong gusto naming idagdag ay ang pagpapapaabot ng SSS.

Sa halagang PhP110 every month, mukhang kakayanin daw nila ito dahil nasa haols PhP25 lang kada linggo ang kanilang iipunin. Kapag itinaas ang minimum contribution sa PhP330, marami sa kanila ang hindi ito kakayanin.

Ang buwanang kita ng marami sa kliyente naming ay nasa PhP2,000 pababa, kapag kinunan ito ng PhP330 ibig sabihin mababawasan ang budget para sa pagkain, tubig, kuryente, edukasyon, medikasyon at iba pang mas essential na pangangailangan.

Sign and be involved

Kung naniniwala kayo na dapat panatilihin sa PhP110 ang minimum contribution ng SSS, paki-email ang inyong pangalan sa info@vincerapisura.com  at idadagdag namin ang inyong pangalan sakaling ako ay magpunta sa SSS consultation para sa paggawa ng implementing rules and regulations (IRR) nito.

Maraming Salamat.