Kailangan mo pa ba ng life insurance pag tanda mo?

Linawain muna natin kung ano ang matanda. Let’s agree na ang matanda ay yung may edad 65 pataas.

Hindi mo na kailangan ng life insurance kung ikaw ay matanda na sa mga sumusunod na sitwasyon:

• Wala ka nang anak na less than 21 years old na naka-depende pa sa iyo
• Wala kang dependents (katulad ng physically/mentally challenged na anak, asawa o magulang)
• Wala ka nang utang na maaring singilin sa asawa mo kung ikaw ay mamayapa at kukulangin ang iyong ari-arian na bayaran ito
• Self-sufficient ang asawa mo, ibig sabihin kung mamatay ka ay kaya niyang buhayin ang sarili niya

Para saan ba ang life insurance?

Ang gamit ng life insurance ay para protektahan ang mga kapamilya sa pagkawala ng source of income sakailng ikaw o ang iba pang breadwinner ay mamayapa.

I-emphasize ko lang na ito ay for protection and income replacement.

Hindi dapat ito itinuturing na investment.

Sayang ba ang premium?

Marami ang may issue na hindi daw napapakinabangan ang premium na ibinayad nila at nasasayangan sila dito.

Una, magpasalamat po tayo na hindi natin pinakinabangan ang insurance dahil ibig sabihin nun wala pong masamang nangyari sa atin.

Pangalawa, ang purpose ng life insurance ay protection and your peace of mind. Makakatulog ka nang mahimbing sa gabi na kung ano man ang mangyari sa iyo ay may aasahan mga maiiwan mo. Iyan ang pakinabang sa premium.

Pangatlo, nasayangan ka din ba sa ibinayad mo sa car insurance mo? Di ba hindi naman? Ganun din dapat ang gamiting mindset sa life insurance.

• Paano gumagana ang ibinabayad na premium sa insurance para mabigyan tayo ng proteksyon sa panahon ng emergency
• Iba’t-ibang klase ng insurance
• Must-have insurance for people in their 30s
• Anong insurance dapat mayroon ang mga bata?
• Gusto kong paghandaan ang future ng anak ko, tama bang investment-linked insurance ang kinuha ko?
• Kung akala mo insurance ang education plan, basahin mo ito
• Insurance para sa mahirap
• Bakit mahal ang VUL o investment-linked insurance
• Ang pinakamatatag na insurance company sa Pilipinas (Part 1)
• Ang pinakamatatag na insurance company sa Pilipinas (Part 2)