Good utang versus bad utang

Usapang Pera S01E10

“Okay, Venus, so pag-usapan naman natin ang utang.”

“Nako, mahirap ‘yun. Sige, ano ba ang utang? ‘Pag sinabi bang utang, ano ba ‘yan?’

“Okay. Ang utang ay perang hiniram na kailangang bayaran at kadalasan may interest.”

“Okay, so pagkauutang ba ‘ko, ano ba ‘yung mga dapat kong tandaan?”

“Tingnan muna natin kung meron kang bad debt. Okay ba ‘yun sa ‘yo?”

“Ay, sige, gusto ko ‘yan, sige sige.”

“Ang utang ay dapat ginagamit natin sa productive purposes. Gumamit ka na ba ng loan para—ito ay ginamit mo for consumption o pangkonsumo?”

“Loan? As in loan na pumunta ako ng bangko at nag-loan ako, gano’n?”

“Hindi, kahit na humiram ka sa kaibigan mo, sa nanay mo, or kung kaninoman. Humiram ka ng pera tapos pinang-grocery mo ‘to.”

“Hindi, pero, pwede ako mag-credit card gamit ang ano ko.”

“Well, kung nag-credit card ka, eto ba ay binayaran mo nang buo no’ng dumating ‘yung statement sa ‘yo?”

“Yes.”

“Okay, so okay ‘yan.”

“Okay, okay.”

“So ibig sabihin, good debt ka pa rin diyan. Kasi kapag ang loan ginamit mo pangkonsumo, bad debt ‘yun. Another example naman of bad debt ay kung ang loan ginamit mong pang-emergency. Pag emergency, kumikita ba ‘yun?”

“Hindi.”

“Hindi. Kaya, Venus, ‘yung mga mahihirap lalong humihirap dahil ang gamit nila kapag may emergency ay utang.”

“So kahit credit card, hindi ko siya pwedeng gamitin kung hindi siya kikita?”

“Of course! Pareho lang ‘yun, ‘no, utang pa rin ‘yun eh.”

“Ahh. So mali na nagki-credit card ka kung gusto mong bumili ng cellphone o kaya ng laptop. So bad debt pa rin ‘yun?”

“Oo, bad debt pa rin ‘yun ‘no. Pero for example, sa akin ‘no, I was able to use a credit card, nagamit ko ‘yung credit card ko at good debt ang labas. Ginamit ko ‘yung credit card, bumili ako ng mga pabili ng mga pamilya ko pag bumisita sa kanila. Pero ang ginawa ko, nilista ko ‘yung mga gusto nilang ipabili sa akin. Binili ko ‘yun gamit ang credit card.”

“Okay.”

“Siyempre pagdating ko do’n sa abroad. no’ng binigay ko na sa kanila, nilagyan ko ng kaunting patong, ‘di ba?”

“Ooh, okay.”

“Tapos pagbalik ko dito sa Pilipinas, binayaran ko nang buo ‘yung credit card.”

“So ginamit ko ‘yung pera sa credit card para magkaroon ng kita, ‘no? So napagkakitaan ko ‘yung credit card.”

“Tama.”

“Okay, so mag-pop quiz tayo ha?”

“May quiz na naman. Okay, sige.”

“Sige. ‘Pag bumili ng laptop, good debt ba ‘to or bad debt?”

“Depende. Woah, wow, feeling ano? Ah, depende dahil kung gagamitin ko ang laptop sa trabaho or as an instrument para magamit ko siya sa na pagkakitaan, I think it’s a good debt. Tama ba?”

“Right, oo. Pero kung ‘yung laptop, ginamit mo lang na pang-Facebook, pang-ano lang, pang-social media, ganyan lang, oo, yan ay—”

“Bad debt.”

“—bad debt. Paano kung bumili ka ng sasakyan ‘no at ginamit mo ay loan?”

“Ah, ayoko niyan eh. Takot na ako sa ganyan ‘di ba? Para sa ‘kin, bad debt yan.”

“Oo, nga eh. Bad debt siya ‘no. Pero kung ‘yung sasakyan naman ay ginagamit mo, for example, ang trabaho mo ay medical representative ka.”

“Pwede.”

“Medrep ka ‘di ba? So pang-business yun, ‘no.”

“Oo.”

“Pero kung ginagamit mo lang siya na leisure—“

“Pang-service.”

“—o pang-service, ganyan, bad debt ‘yun.”

“Okay.”

“How about Starbucks coffee?”

“Ah, bad debt talaga ‘yan. Kasi pwede ka naman mag-brew sa bahay ‘di ba?”

“Oo, mas may ibang alternatives ‘no. So ‘yung sa Starbucks naman, kapag pumunta ka do’n at nagbi-business meeting ka, so pwede naman na loan mo ‘yun na gagamitin kasi technically, kikita ka do’n. Pero, at ito gusto kong i-emphasize ‘no, ang liit nalang no’ng amount na ‘yun eh.”

“Oo.”

“Uutangin mo pa ba?”

“Oo, nga.”

“So instead of using the credit card, baka ang gamitin mo nalang debit card kung ayaw mong mag-carry ng cash.”

vincerapisura.com


One Comment

  • rowie juan says:

    gud pm sir vince…salamat sa Diyos at merng isang tao tulad m n gumagawa nito…..altho marami kayong financial adviser pero mas feel k n mas masang masa kau lalo pat partner nyo c ms venus….sir vince anu b ang masasabi ninyo sa CAP…it s been 6 yrs and til nw ala p kming nakukuha sa knila…..nu b dpt kong gawin? lagi n lang nila sabi inaantay and court decision…..

Leave a Reply

%d bloggers like this: