Usapang Pera Season 2 Episode 3
“Grabe! Eto ba yung mga pictures mo noon pa?””
“Oo. Yan ang mga picture ko noon. Yan ang dating picture ko nang hindi pa ako nagcacatwalk-catwalk.”
“Wow!”
“Ang tawag sa probinsya, punggok.”
“Ang laki na ng inimprove mo talaga ‘no. Sino ba talaga ang Sinon Loresca?”
“Ay naku!”
“Paano siya nagsimula?”
“Alam mo naman, mixed emotions ang buhay ko. So, ang Sinon Loresca ay nagsimula sa Masbate. Nangarap ako na balang araw, aabutin ko ang pangarap ko.”
“So, Sinon, ano naman ang nagpapaligaya sayo?”
“Ay, ako, nagpapaligaya sa akin, simpleng bagay lang. I remember nung nasa Payatas ako, gusto ko yung mga tao sumasabay ako nakikipag-inuman sa kanila sa labas sa kalye.”
“Nagbago ba yun na yung gusto mo dati nung nasa Payatas ka at ngayon na isa ka ng Sinon Loresca?”
“Para sa akin, walang nagbago.”
“Okay!”
“Kasi hanggang ngayon, gusto ko pa ring hinahanap ko yung bagay na yun. Minsan, may moment talaga na pupunta ako. I don’t care kung makilala niyo man ako pero gusto kong magspend pa rin ng moment na ganun kasi masaya, dun ako nanggaling. Hindi ko siya pwedeng kalimutan lang basta-basta.”
“Tama ‘no. So, ang naririnig ko sayo, ang sinasabi mo ay tinanggap mo yung pagkatao mo at doon sa… meron kasi akong ginawa at ang tawag ko dito ay ang Pera Progress Mastery.”
“Ay!”
“Ang Pera Progress Mastery ay ang batayan para sa maayos na personal finance practice. Nagsisimula ito sa Self Mastery and then Situation Mastery at ang huli ay ang PERA Mastery.”
“Ang unang level nyan ay tinatawag na Self Mastery. Yung binabanggit mo ngayon Sinon sa akin na tinatanggap mo ang iyong sarili kung ano yung nagpapasaya sayo noon, yun pa rin nagpapasaya sayo ngayon, ang tawag dyan, Self Mastery.”
“Ang Self Mastery ay ang pagtanggap sa sarili upang magsilbi itong gabay sa ating life decisions at maayos na money management.”
“Tapos ang susunod naman ay Situation Mastery.”
“Ang Situation Mastery naman ay tumutukoy naman kung gaano ka kahanda tuwing may emergency o mga bagay na hindi inaasahan.”
“For example, ngayon na sikat na sikat ka na ‘no at malamang isipin ng mga tao andami mo ng pera.”
“Oo nga kahit wala.”
“Nauutangan ka ba?”
“Uutang!? Oo, minsan, nauutangan ako.”
“Okay.”
“Pero minsan talaga tinatanggihan ko din kasi yung moment na wala na rin para sa sarili ko.”
“Oo. So, sa ganyan, kunwari sa Situation Mastery na yan, example ng sinasabi mo, kaya mong tumanggi ‘no, yung sinasabi mo.”
“Oo.”
“So, dahil sa malakas yung Self Mastery mo, pag meron ng sitwasyon na nahaharap sayo, kaya mong magdesisyon ng maayos. Nagaguide ka ng mabuting financial decisions. Pag sa mga Situation Mastery na ganyan, lalung-lao na sa mga OFWs.”
“Ang tinitingnan natin dapat naglalaan ka lang ng kung hanggang magkano yung kaya mong ibigay.”
“Oo, totoo yan. Kung sa baga, may limitasyon.”
“Oo, so may limitasyon siya.”
“So, yung PERA Progress Mastery natin di ba nagsimula sa Self Mastery.”
“Oo.”
“Situation Mastery at yung pangatlo naman ay PERA Mastery.”
“Ang PERA Mastery ay ang pagkakaroon ng iba’t-ibang klase ng source of income.”
“So, bago ka naging Catwalk King, ano yuong mga pinagkakitaan mo?”
“Sa Payatas kasi, may tyuhin ako dun. Nung bagong salta ako sa Maynila, wala akong alam. So, in a very short way, nanambakan ako ng basura.”
“Okay.”
“Na-experience ko yun, nanambakan ako. May mga ilaw dito… alam mo ba.”
“Totoo?”
“Yes!”
“Nagpupulot-pulot ka ng ganon?”
“Oo! Eto yung mga sa de-kuryente, ang tawag nyan, tanso! Binebenta namin yan. Alam mo ba magkano kilo nyan?”
“Magkano aber!?”
“Three hundred eighty-five pesos noon.”
“Nag Payatas…”
“Yes!”
“Ano pa?”
“Nagpakatulong ako eh. Ang inapplyan ko lang PA.”
“Okay!”
“Oo, PA lang siya.”
“Ginawa kang ganun!?”
“Ngayon, all around katulong at may carwash pa sila. Ako pa nagcacarwash! Diyos ko! Ang hirap!”
“So, ano pa?”
“Nagservice crew ako for almost two years sa Pasay and then after that, nalaman ko ang kapatid ko, yun binigyan ako ng pagkakataon na makapangibang bansa.”
“Okay.”
“Una naging trabaho ko, sa ano ako, carehome pero sa kitchen department ako. After that, nag carehome na ako. Ito yung sinasabi na punas tae.”
“Okay.”
“One time, naubusan kami ng plastic bag, lalagyan ng maduduming mga napkin…”
“So, hinawakan mo?”
“No! Ako mag-isa natira so nagkalat ang nyoes. Di pagkuha, keme keme… shing! Hindi ko alam na nalagyan dites! Umekik eksena ko! Napunta sa noo ko! Ang next ko dyan, nagtaas na ako ng eksena. Nagtrabaho na ako sa restaurant. Thai restaurant pero ang mga crew lahat, foreigner. May Italian, Spanish. From that, gumaling akong magsalita…”
“Okay.”
“Saka nag-ipon ako.”
“At dun na pumunta yung next mong trabaho?”
“Sa true! Ang next kong trabaho, nagwork na ako sa retail.”
“Okay.”
“Retail na ako.”
“So, nagbebenta ka ng ano?”
“Nagbebenta na ako ng mga luxury bags! Pak! Ganon!”
“So, i-summarize ko lang ‘no sa mga narinig ko sayo, actually, it is a very perfect example ng PERA Mastery ‘no. Kasi, andami mong iba’t-ibang paraan ng pagkuha ng pera ‘no… source of income. Pero most of that ay sa pamamagitan ng employment ‘no. Mula nung sa Pilipinas hanggang sa nag-abroad ka, lahat employment yan. Meron kasi tayong tatlong klase ng pagkakaroon ng kita, tatlong pamamaraan, ito ay through employment, entrepreneurship o negosyo at investments naman yung pangatlo.”
“Ay, galing.”
“So, ang kailangan mo pang dagdagan ay yuong sa negosyo at pag-iinvest.”
“Lahat tayo ay dumadaan sa mga pagsubok sa buhay at minsan nawawalan ng pag-asa.”
“Ngunit kailangan nating magpakatatag at lumaban para malampasan ang bawat pagsubok ng ating buhay. Ako nga pala si Sinon Loresca.”
“Ako naman si Sir Vince nagsasabing…”
“Ang pagyaman, napag-aaralan.”
