was successfully added to your cart.

Paano makakaipon ng PhP1 million

Madami ang naghahangad maging milyonaryo. Ginagamit itong sukatan ng marami upang maituring na mayaman.

Kasama ng pagtatanong kung paano magkaroon ng isang milyon ay kung kailan ito makukuha. Mahalagang magtalaga ng realistic timeframe kung kailan ito makakamtan at ang susi dito ay ang paggawa ng financial plan. (Basahin: Paano gumawa ng financial plan)

Create active income

Ang active income ay income na kinikita natin sa pagtatrabaho. Ito ang pagmumulan ng ating pera para meron tayong panggastos, pang-ipon at pang-invest.

Sa active income nagsisimula ang lahat. Kailangan ng hard work para magkaroon nito. Halimbawang kumikita ka ng PhP20,000 kada buwan at maitatabi mo ang 20% dito o PhP4,000 kada buwan, aabutin ka ng mahigit 20 years para maka-ipon ng isang milyon.

Ang tagal di ba?

Kaya kaialangan natin ng maraming strategies upang magkaroon ng PhP1 milyong ipon. (Panoorin: Financial life stages)

Invest in yourself

Ang pagyaman, napag-aaraalan!

Yan ang aking tag-line. Ito ang napili kong tag-line para i-emphasize na ang pagyaman ay hindi nakukuha sa suwertihan lang, ito ay masusing pinaghahandaan sa pamamagitan ng pag-aaral. Ang pag-aaral ay investing in yourself.

Sa pamamagitan ng pag-aaral, you increase your knowledge. Kapag mas may alam ka, mas mahal ang presyo ng trabaho mo mas mahal ang ibabayad sa oras mo. You can also improve your skills at magiging pareho ang epekto nito. (Panoorin: Invest in yourself)

Kapag mas mataas ang ating knowledge and skills, tataas ang ating market rate. So ang dating Php20,000 na suweldo maaring tumaas at maging PhP50,000.

Let’s say, 20% pa din ang ise-save natin sa bagong suweldo na PhP50,000 o PhP10,000 kada buwan; ang dating aabutin ng 20 years para maka-ipon ng isang milyon ay magiging nasa eight years na lang.

Medyo matagal pa din, right?

Increase profit margin

Here’s another thing you can do, increase your profit margin. Ang profit margin ay ang gap ng kinikita sa ginagastos. So kung, ime-maintain natin ang ating lifestyle noong kumikita tayo ngg PhP20,000 kahit na PhP50,000 na ang kinikita natin ngayon, mas malaki ang puwede nating maipon.

For example, instead na PhP10,000 ang itatabi natin kada buwan, gawin natin itong PhP25,000 kada buwan. Maiipon na natin ang isang milyon sa loob lang ng tatlong taon at apat na buwan. (Basahin: Paano kumita, gumasta, mag-ipon, mangutang at mag-invest ang mga maginhawa sa buhay)

Hindi na masama di ba?

Save and invest your active income

Sa totoo lang, ang dapat na ginagawa natin ay kombinasyon ng mga nasa itaas. Magtrabaho tayo nang mabuti upang kumita ng pera at pagkatapos ay ipunin ito at gamitin sa pag-iinvest.

Tandaan, savings is the postponement of the pleasure of spending. Ipagpaliban lang muna ang paggasta, ipunin ito at iinvest para mas mapabilis ang pagkakaroon ng karagdagang kita. (Basahin: Paano malalaman kung ano ang tamang investment product na nababagay sa plano o pangarap ko sa buhay)

vincerapisura.com


12 Comments

  • Ram Radney Contreras says:

    Hi Sir Vince I just want to say thank you kasi hndi mahirap intindihin ung mga topic na dinidiscuss nio. Im 22 yrs old and thinking abt investing sa farm namin (rice and corn)
    30k allotted amt na ibibigay ko. Advisable bang maginvest sa mga ganitong agricultural thing? Or maa magandang sa life insurance nlng?

    • Vincent Rapisura says:

      Hi Ram, yung decision mo will be based on your purpose. Ano ang purpose sa (1) pag-iinvest mo sa farm; at ano naman ang purpose mo to (2) get life insurance? Once alam mo mga yun, i-prioritize mo. Kung ano ang priority sa dalawa, dun mo ilagay ang pera. =)

  • Vange Angeles says:

    Paano po magsimulang mag invest sa P1 at MP2. Need po ba pumunta sa PAGIBIG Office? Thank you po.

  • Andrix says:

    Sir pwede po bang isang bagsakan lang ang 300k tapos tsaka ko nalang babalikan ang divedends after 5 years?

  • Andrix says:

    Sir Vince puwede po ba iyong isang bagsakan lang pagbayad sa MP2 say P300k kagad instead na 5k every month for 5years? Then after maturity of 5 years tsaka ko nalang kukunin ang divedend but yong capital na P300k I will continue for another 5years?

  • Maibel Reyes says:

    Sir vince, Kung halimbawa mag hulog ako sa pag ibig mp2 monthly di ba nakakatakot kc don ko lang ilalagay lahat ang Kita ko. Thanks po.

Leave a Reply

This site uses Akismet to reduce spam. Learn how your comment data is processed.

%d bloggers like this: