Mapa-insurance man o investment, kakailanganin mo ng agents at brokers na kakatawan sa iyo. Laging tandaan na kinakailangang ang kapakanan mo bilang kliyente ang nangunguna sa listahan ng priority, hindi ang commission na kikitain nila.
Kapakanan mo dapat ang una
Malalaman mo kung kapakanan mo ang isinasa-alang-alang ng agent o broker mo kung binibigyan ka niya ng maraming options o pagpipilian. Hindi lamang niya inilalahad ang mga advantages at benefits ng mga produkto kundi ang mga disadvantages din nito.
Gumagamit ng financial tools na labas sa kumpanya
Kinikilala ka nang mabuti ng iyong agent o broker dahil sa ganitong paraan lang maku-customize ang mga financial products and services na kakailanganin mo. Gumagamit siya ng iba pang mga tools na labas sa standardized forms or tools na binibigay ng kumpanya sa kaniya upang malaman nang mas objective ang mga pangangailangan mo.
Maalam din dapat ang iyong agent o broker. Karaniwang palatandaan ko nito kung sila ay gumagamit ng materyales na labas sa kanilang kumpaniya. Ibig sabihin kasi nito ang loyalty nila ay nasa kapakanan ng kliyente at hindi sa kumpaniyang pinagta-trabahuhan nila.
BTID believer
Mas maigi pa kung ang agent o broker ay mismong gumagawa din ng BTID. Katulad ng insurance agent ko, BTID ang gamit niya at siya din ay licensed financial advisor, labas sa insurance company na pinagta-trabahuhan niya, na BTID ang isinusulong.
Professional ang pakikitungo
Kinakailangang professional ang pakikitungo ng iyong agent o broker sa iyo. Dumarating siya nang tama sa oras na pinag-usapan. Sumasagot siya sa email, text o tawag mo within reasonable time. Siya din ang nagbabayad ng kape o meryenda niya kapag kayo ay nagkikita, hindi kargo sa iyo.
Mga mumunting palatandaan ito kung ang agent o broker mo ay talagang kapakanan mo ang nauuna. Tandaan na ang taong napagkakatiwalaan sa maliliit na bagay ay ganoon din sa malalaking bagay.
Umiwas sa emotional attachment
Higit sa lahat, iwasan na may emotional attachment ka sa iyong agent o broker. Umiwas na kamag-anak o kaibigan ang mga ito dahil nahahaluan ng emosyon ang pagbili mo at pagtangkilik sa kanila.
Kapag may emotional attachment na ganito, mahihirapan kang mag-desisyon dahil isinasa-alang-alang mo ang kanilang kabuhayan o ang maari nilang maramdaman kung tumanggi ka. Ang dahilan ng pagbili mo ng financial product or services ay nakabase sa pangangailangan mong nakasaad sa iyong financial plan, hindi ang relasyon mo sa kanila.
Ok po ba ang kaisel international health group? may kasamang investment daw ito sa mutual fund? gaano katotoo po ito?
Basta kapag ang insurance may kasamang investment, allergic po ako. Magastos kasi dahil lumalaki ang commission nila. Do Buy Term and Invest the Difference.