Ang pinakamurang term life insurance

Rosario, Agusan del Sur – Nagbigay ako ng financial literacy training sa aking 21 microfinance staff dito sa Rosario, Agusan del Sur. Ang microfinance ay ang pagbibigay ng financial services tulad ng savings, insurance at loans para sa mga mahihirap.

Dahil nagbibigay ng financial services ang aking mga staff, kinakailangang financially stable sila. Hindi kasi maganda na sila mismo ay baon sa utang, walang savings at insurance. They should lead by example to their clients.

Ang una kong in-address before ay ang kanilang kakulangan sa insurance coverage. Ang aking rule of thumb, kung may dependents, dapat may 10 years of income equivalent na life insurance benefit.

Nasa PhP10,000 kada buwan ang suweldo ng isang baguhang field staff. Mahigit isang milyon ang kailangan. Kaya kumuha ako ng group insurance para sa kanila na magbibigay ng PhP1 million life insurance coverage.

Laking gulat ko dahil inabot lang ng PhP1,620 per person per million per year ang kailangan. Nakuha namin ito sa isa sa mga sikat na commercial insurance companies, isang patunay na naman na maari talagang makakuha ng murang term insurance.

Kausapin ang inyong kumpanya kung saan kayo nagta-trabaho at hingiin ito bilang benefit sa inyong employer. Maari rin namang bumuo ng mg groups – based on your hobbies, church activities etc. – i-register ito at mag-apply ng group yearly renewable term (GYRT) insurance.

Inuulit ko, lahat ng insurance companies ay nag-ooffer nito. Pero kailangang kayo ay nakapaloob sa isang grupo o bumuo ng isang grupo.

Reading suggestions:

1. Epektibong paggawa ng BTID upang masulit ang pinaghirapang pera sa insurance at investment
2. Insurance 101 – mga babasahin tungkol sa tamang pag-intindi sa insurance 
3. Insurance better than VUL  – mga babasahin tungkol sa VUL